俾面派對

我已經比國內朋友問過兩次路了，我兩次都唔識用普通話話比佢地聽，兩次都要做動作指來指去…真係好對唔住呀兩位朋友，我真係好想幫你地o架，但係我真係唔識講……我而家想同你地講既係，我一定會係呢個假期入面學識普通話架，如果下一次，真係咁好彩，比我撞返你地，而我又認得你，你又認得我，我一定會同你講係你地改變我，我學識普通話都係因為你地。

仲有就係，想同未來會用普通話向我問路的朋友講，曾經有兩位國內朋友問過我路，一個要去女人街，佢係個女人，帶住個女，我唔識講普通話，搞到要另一位同胞幫我答佢；一個要去文化博物館，係個伯伯來的，我唔識講普通話，咁好彩有個郵差經過，我淨係可以幫佢問郵差，再用唔知係唔係普通話o既普通話講比佢知文化博物館係邊。佢地比我感覺好好，好有禮貌，好親切，但係我就幫唔到佢地好大忙，其實我有少少自責的…如果他日各位再向我問路的話，我唔會令你地失望！

 

最後，想記下事，我今日去左踩單車，大圍→大埔→大圍，而家…好攰，pat pat…好痛，我永遠都會記得呀發，杰彬同輝哥今日同我喪踩單車o架！！！